ሰኔ 29 ቀን 2018 ዓ.ም
"ተስፋን እንተከል" በሚል መሪ ቃል በአቃቂ ፖሊ ቴክኒክ ኮሌጅ ግቢ ውስጥ የኮሌጁ ማህበረሰብ እና የአቃቂ ቃሊቲ ክፍለ ከተማ የወረዳ ሁለት አመራሮች በተገኙበት የችግኝ ተከላ መርሀ ግብር በታላቅ ድምቀት ተካሂዷል።
አቶ ፀጋዬ አዱኛ የኮሌጁ ዋና ዲን እንደገለፁት
"ይህ የችግኝ ተከላ ፕሮግራም ኮሌጁ በሀገራዊ የአረንጓዴ ኢኮኖሚ (Green Economy) እንቅስቃሴ ውስጥ የበኩሉን አወንታዊ አስተዋፅኦ እያበረከተ መሆኑን በተግባር ያሳየበት ነው" ብለዋል።
እንዲሁም አቶ ማሞ ሀይሉ የተቋማት ልማት እና አስተዳደር ጉዳዮች ም/ዲን እንደገለጹት "የአረንጓዴ አሻራ የዘመቻ ሥራ ሣይሆን የሁል ጊዜ ተግባራችን መሆን አለበት" ያሉት ም/ዲኑ፤ የችግኝ ተከላ መርሀ ግብሩ እያንዳንዱ ዜጋ ሊተገብረው የሚገባ ብሔራዊ ኃላፊነት መሆኑን ጠቅሰዋል።
ኮሌጁ መንግሥት እያስቀጠለ ላለው የአረንጓዴ አሻራ መርሀ ግብር ሁነኛ አጋር መሆኑን በመግለጽ፣ በዘንድሮው ዓመት 2,510 ለምግብነት ፣ ለጥላና ፣ ለውበት የሚያገለግሉ የተለያዩ የችግኝ ዝርያዎችን መትከል መቻሉን እንድሁም የተተከሉትን ችግኞች በመንከባከብ ረገድም የተቋሙ ማህበረሰብ የበኩሉን እንደሚወጣ አያይዘው ገልጸዋል።
.
